ULI-Frontispico

Esez bonvenanta! Che oficala situo dil Uniono por la Linguo Internaciona Ido (ULI).
Ido esis developata da la Delegaciono por l'Adopto di Internaciona Helpolinguo, qua kunvenis en Paris, 1907 (Collège de France).
Quale e pro quo membresar a la Uniono por la Linguo Internaciona (Ido)?

Listo di problemi urjante diskutenda e solvenda pri la linguo e l’Idistaro Lektez pluse ...
Linguala Komitato di ULI (Advoko dil ULI) Lektez pluse ...

Aktivesi dil Idistaro e di ULI en la yaro 2010

@ da A.Praefcke GPL

Invito a la internaciona Ido-renkontro 2010 dum la tempo inter la 19ma til la 24ma di agosto 2010 en Tübingen (Germania)

Saturdio 2009-11-28: La direktantaro dil Germana Ido-Societo kordiale invitas omna Idisti ad internaciona Ido-renkontro dum la tempo inter la 19ma til la 24ma di agosto 2010 en la Badenia-Wurtemberga universitato-urbo Tübingen proxime a Stuttgart. Lektez pluse....

Idala Podkasto #30 che Ido Sonora! e Parolez Ido

Sundio 2010-01-31: Nia samideano Jose Cossio publikigis podkasto 30. Jose en la idolisto: Yen mea maxim recenta Idala Podkasto, la numero triadek, che e Parolez Ido: Ido Sonora! e Parolez Ido. Durado: 11m24s, Temi: Ciencisti sucesas mixar aquo ed oleo; Twitter trompas l'alkoholometro; Polico di Ohio uzos elektronikala tradukili por parolar la Hispaniana. Juez ol, amiki, e ne obliviez komentar pri ol. Via komenturi es valoroza. Idosonore - Jose Cossio

www.ido.li nun kun RSS-Feed

Sundio 2010-01-31: Nia ULI-situo havas nun "RSS-feed". Videz la simbolo ye la URL-adreso. Ico formato permesas automatikala notifiko pri novaji ye la ULI-situo. Por plusa informi lektar la Wikipedia RSS-artiklo.

Listo "Nova Vorti di Ido" (2002)

Jovdio 2010-01-28: La nova vorti di Ido (2002) esas nun hike ye la ULI-situo. Ni pregas nia Rusa samideani kunlaborez por plenigar la Rusa vorti. Ni facis unuesma versiono kun la "Google-Translate-API". Ke tu volas helpar skribar ye la dgroth-ye-idolinguo.de pro obtenar la sekreta vorti por la Wiki-listo. Videz la listo hike ....

Ido-Amiki Berlin enretigis Ido-Saluto! 2006-01

Mardio 2010-01-26: La Ido-Amiki publikigis PDF-versiono di jurnalo "Ido-Saluto!". Atencez: Yaral abono por recevar la aktuala jurnali de "Ido Saluto" nur kustas 5 EURI o 15 EURI kun DIG membreso. Videz la anciena kayero hike ....

Statistiko di la Ido-spici ye la matro-linguala wikipedii

Jovdio 2010-01-21: La Ido-spici ye la matro-linguala wikipedii esas la maxim multe vizitata spici pri Ido en la interreto. Omnadie plu ol 300 vizitanti informas pri Ido ye la angla spico http://en.wikipedia.org/wiki/Ido . Ma anke la Polona spico esis vizitata de 50 personi omnadie en decembro 2009. Lektez la statistiko hike ....

@ PD

142ma Nasko-Dio di Louis Couturat

Sundio 2010-01-17: Okazione de la Nasko-Dio di Louis de Couturat nia samideano Gaël Richard skribis artiklo en la idolisto. La anciena texto da Louis de Beaufront pri Couturat esas hike.

Ido-Saluto 2010-01 aparis

Jovdio 2010-01-14: La Ido-Amiki Berlin publikigis la unuesma numero di Ido-Saluto! por 2010. Kontenajo: Artikli pri la Expolingua 2009, la boreliozo, la hidrogen-futuro di Islando, L'enigmato di la heredigo - August Weismann, Expozo en Paris pri Gustave Eiffel ed la dikturo de Versailles. Pri lakompleta kontenajo ed la abono di Ido-Saluto! lektez hike ....

Jerzy Gralak †

Sundio 2010-01-10: La Interlinguisto ed Idisto Jerzy Gralak (*1935) transmondeskis. Jerzy esis la autoro da la dicionario Ido-Polona. Ilua filiulo Piotr: "Me devas komunikar a vu, ke mea patro Jerzy Gralak mortis ye 8esma januaro di ca yaro. Lu pregis me transsendar la sequanta mesajo pos lua morto. Respektoza ed omno bona, Piotr Gralak"
Lektez pluse ...

Nord-Amerikana Ido-Societo esas oficala Usana korporaciono

Venerdio 2010-01-08: Bona novajo de Nord-Amerika - nia samideano Jerry Muelver skribis en la idolisto: "La Nord-Amerikana Ido-Societo (NAIS) esas nun oficala Usana korporaciono - North American Ido Society, Inc. NAIS nun povas aceptar pekunio membrala e donacala per PayPal, che http://idomondo.org. Me dankas la Idala komuneso pri vua helpo e suportado dum la rinasko di nia Ido-Societo.". Ni gratulas.

Statistiko pri la Ido-Yahoo-dissendolisti

Jovdio 2010-01-07: Ye la ULI-situo esas statistiko pri la membro-nombri di la Ido-Yahoo-dissendolisi. La maxim granda listo esis (kompreneble) en 2009 la idolisto kun 243 membri (decembro 2009). On povas vidar la statistiko hike.

Aktivesi dil Idistaro e di ULI en la yaro 2009

Jose Cossio publikigis podkasto 29

Jovdio 2009-12-31: Nia samideano Jose en la idolisto: "Me jus publikigis mea maxim recenta Idala Podkasto, la numero 029. Voluntez askoltar ol che Ido Sonora! e Parolez Ido ye la sequanta ret-adresi: Ido Sonora!, Parolez Ido
Temi: Houston divenas l'unesma grand urbo qua havas lesbiana urbestrino, Lumoza spiralo en la cielo surprizas Norvegia, Virgin Galactic prizentas la Spaconavo Du. Longeso: 7 minuti 45 sekundi."

@ da Jose

Jerry Muelver e Partaka publikigas nova versiono di la Pesch-radikaro

Mardio 2009-12-29: Lasta semano nia diligenta samideani Jerry Muelver e Partaka preske finis la versiono 1.0 di la Radikaro da Marcel Pesch. La nova versiono di la Pesch e di la Möller Radikaro (2009-02) esos bona fundamento por la nova Linguala Komitato. Esis granda plezuro vidir la progreso en la listo IdoCatalaOccitan semano por semano. On povas vidar versiono 0.9 di la radikaro hike. Reviso 1.0 nun esas hike.

Ferdinand Möller publikigis nova versiono di la Ido-Germana radikaro

Mardio 2009-12-29: Nia samideano Ferdinand Möller e la Ido-Amiki Berlin pubkikigis nova versiono di la "Ido-Germana radikaro". Ol esas en la formato A6 e havas 313 pagini. La Möller radikaro nun kontenas anke gramatikala parto ed nova, neoficiala, Ido-vorti. La libro kustas 10 Euro ed esas komendebla ye la Arkivo di la Germana Ido-Societo.

La Germana Ido-Societo publikigis la Mikra Buletino 2009-12

Lundio 2009-12-28: La Germana Ido-Societo publikigas nova senkusta Ido-kayero en la formato PDF. En la edito 2009-12 esas texti pri la Expolingua (Germana), Tübingen (Ido) e Ido-kurso (Germana). On povas komendar la kayero hike.

Linguala Komitato di ULI: Nuntempe non kandidati

Mardio 2009-12-23: La ULI-sekretario Loic Landais skribis en la linguolisto "l'afero progresas e la Direktanta Komitato di ULI studias ca-instante la 9 kandidatesi recevita por membresar a la Linguala Komitato di ULI. Sendube la rezultajo eventos ye la komenco 2010."

www.ido.li salutis 45.000ma vizitanto hodie nokte

Venerdio 2009-12-18: Hodie matine ni povis salutar nia 45.000ma vizitanto ye la ULI-retsituo. Komenco Junio 2009 ni havas 39.000 ed komenco Septembro 41.500 vizitanti hike. Quon la 45.000ma vizitanto vidis? Tu povas vidar lo hike.

Texto pri Tübingen en la Ido-Wikipedio

Sundio 2009-12-13: Dro T. Schmidt publikigis en la Ido-Wikipedio kontributo pri la urbo di la sequanta Ido konfero internaciona. Ol esas situita en la federala-lando Badenia-Wurtemberg en la sudo-westo di Germania, cirkume 45 kilometri sudala de Stuttgart. En la yaro 2008 Tübingen havis 85.344 habitanti. La kompleta texto hike.

Nova Ido-landi deskovris

Jovdio 2009-12-10: En la ampleso di la interreto on deskovris nova Ido-landi. La Libera Republiko di la Merkelli hike, regretinde la oficiala linguo di la Merkelli, Ido, esas nur rare uzata ibe. Ma en la Forum onu povas babilar en Ido anke. Altra lando esas Novidia ibe nur vivas mulieri nun.

KURIERO INTERNACIONA 2009-02 aparis

Sundio 2009-12-06: Jean Martignon parsendis la numero 2/2009 di KURIERO INTERNACIONA al la abonanti. Kontenajo: La misterio di la Sfinxo, Kosmetiki por la Mohamedistini, Alexandros la Granda, Ladakh, anciena Tibetala rejio. Por lektar anciena numeri di KURIERO INTERNACIONA, on povas "click"-ar sube: http://sites.google.com/site/editeriokrayono/kurierointernaciona." La yarala abono nur esas 10 EUR por quar kayeri. Skribez al jeanmartignon-ye-minitel-punto-net.

Antonio Martinez publikigis Ido-kurseto por infanti

Sundio 2009-12-06: Ye la adreso http://linguoido.ning.com/forum/topics/kurseto-por-infanti nia samideani publikigis bela kurso por infanti en la formato pdf. Anonio Martinez "Voluntez dicar a me erori o quon me devus chanjar. La kurso esas tota skribita en Ido, nam me kredas ke l'infanti ne lernos Ido sola, ma kun adulti."

Ido-A4 Kalendario 2010 por imprimar

Saturdio 2009-11-28: Dro Groth facis bilatera kalendario por 2010. On povas vidar la kalendario hike.

Plusa aktivesi dil Idistaro e di ULI en la yaro 2009

Aktivesi dil Idistaro e di ULI en la yaro 2008