ULI-Chefpagino

Ido esis developata da la Delegaciono por l'Adopto di Internaciona Helpolinguo, qua kunvenis en Paris, 1907 (College de France). Quale e pro quo membresar a la Uniono por la Linguo Internaciona (Ido)?

Invito ad Internaciona Idokonfero Dessau/Germania 23.-29. Julio 2012

Aktivesi dil Idistaro e di ULI ed altra aktivesi favore Ido en la yaro 2012

Sisesma edituro di "ALI" publikigesis ye la ret-situo di ULI

Lundio 2012-05-07: Nia samideano V.R.Srinivasan redaktis la sisesma edituro dil mikra letro por la Idisti en Azia "ALI" kom pdf-dokumento. La numero 6 di "ALI" trovesas hike.

PROGRESO #352

Sundio 2012-04-22: Ja en aprilo aparis la duesma numero di Progreso por la yaro 2012. Kontenajo: Dek-e-kinesma di maro 44 a.K, Duadek-ed-ok dii en Indonzeia, La kanto pri Hildebrand, La kroniko di Akakor (sequo), Ido.revui II, Kande finis la duesma mondmilito, La lumo nordala, La voluntula sociala yaro (en Germania), La skriptisto di Faraono (25-30) e Linguala suplemento No°2. Por plusa informi quale abonar Progreso lektez hike

Ido-Saluto 2/2012

Sundio 2012-04-08: La Ido-amiki Berlin sendis numero 2/2012 di la jurnalo Ido-Saluto al abonanti. Ica numero enhavas artikli pri la urbo Dessau, Martin Niemöller, traduko dil la Goethe poemo "paskala promeno", texti pri la Hungara poeto e heroo Sandor Petöfi, la Europana championeso di futbalo, Marc Chagall, Marie Curie e "La linguo di la kemio". Ido-Saluto esas la oficala jurnalo dil Germana Ido-Societo. Membreso en la Germana Ido-Societo kustas 15 Euro / yare. Yarala abono, anke kun la PDF-dokumenti en 2012 kustas 10 Euro. Yen plusa informi pri IS e anciena karieri kom PDF: Ido-Saluto 2007-2010

Kinesma edituro di "ALI" publikigesis ye la ret-situo di ULI

Venerdio 2012-04-06: Nia samideano V.R.Srinivasan redaktis la kinesma edituro dil mikra letro por la Idisti en Azia "ALI" kom pdf-dokumento. La numero 5 di "ALI" trovesas hike.

PROGRESO #350, #351

Sundio 2012-03-25: Chefe por la laboro dil Robert Pontnau Progreso, la oficala organo dil ULI, nun aparas tre reguloze. Numero 351, 34 pagini, enhavas invito por la renkontro 2012 en Dessau, e diversa artikli pri historio e kulturo. Por plusa informi quale abonar Progreso lektez hike

Posta Mundi #13

Sundio 2012-03-25: Fino dil Februaro aparis nova numero di jurnalo Posta Mundi kun la sequanta Ido-texti: La estetiko de la etiko. da Alexandro Xavero Kasanovo Domingo - *ILA PROFETO. PRI LA KOMPRADO E LA VENDADO da Khalil Jibran (Partaka) - KA FOXO? NULA PROBLEMO! da Partaka. Posta Mundi la "jurnal inter IAL" esas trovebla hike: http://enioni.narod.ru/jurnal/.

KI 2010-04 enretigesis - KI 2011-02 sendesis

Jovdio 2012-03-15: Quale samideano J. Martignon skribis jam en januaro sua jurnalo Kuriero Interaciona 2011-02 sendesis al la abonanti e la numero 2010-04 esis enretigita da F. Tejon. On povas lektar anciena numero di KI hike: http://sites.google.com/site/editeriokrayono/kurierointernaciona - Por abonar KURIERO INTERNACIONA e recevar perposte la surpapera buletino, voluntez sendar mesajo a la redaktero e dissendero: < martignon.jean (at) wanadoo.fr >. La chipa yarala abono esas: 10 EUR.

Manfred Magin †

Sundio 2012-03-18: Pos longa maladeso nia samideano Manfred Magin (*1959) transmondeskis ye la unesma dil marto. Manfred esis Idisto depos 1995. Dum la Ido-renkontri lu esis tre prizata Idisto por sua afableso e helpanteso. En Echternach 2011 lu tamaniere, tamen ipsa tre malada, helpis sempre per sua automobilo dum la transporto dil partoprenanti. Danko Manfred por omno.

Quaresma edituro di "ALI" publikigesis ye la ret-situo di ULI

Merkurdio 2012-03-07: Nia samideano V.R.Srinivasan redaktis la quaresma edituro dil mikra letro por la Idisti en Azia "ALI" kom pdf-dokumento.
La numero 4 di "ALI" trovesas hike.

Ido-Saluto 4/2010 e 1/2012 enretigita

Saturdio 2012-02-25: La Ido-Amiki Berlin enretigesis numero 4-2010 dil Ido-Saluto. Ido-Saluto esas la oficala jurnalo dil Germana Ido-Societo. Membreso en la Germana Ido-Societo kustas 15 Euro / yare. Yarala abono, anke kun la PDF-dokumenti en 2012 kustas 10 Euro. Yen al adreso por lektar la kayero http://www.idoamiki.berlin.idolinguo.de/pdf/Ido-Saluto-2010-04.pdf (380Kb). Por la membri di DIG anke kajero 1-2011, 2/2011, 3/2011, 4/2011 ed 1/2012 esas enretigita hike (sekreta vorto bezonata, sendesis kune kun kayero 1/2012 a l'abonanti).

Posta Mundi #11 e #12

Sundio 2012-02-19: Dum la du lasta monati aparis du nova numeri di jurnalo Posta Mundi. En numero 11 (decembro) on povas lektar Idala artikli da Lenadi Moucina - Letro da Mastofan, Khalil Jibran - *ILA PROFETO. PRI LA HABITEYI, Partaka - OMBRO FUGEMA. En numero 12 (januaro): Partaka - tranja paroli ekiras mea boko, Partaka, Carlos Solís - Vorto-ludo - KAZO FOLO, Khalil Jibran - *ILA PROFETO. PRI LA VESTI. Posta Mundi la "jurnal inter IAL" esas trovebla hike: http://enioni.narod.ru/jurnal/.

Aziana letro en Ido nun esas lektebla ye la ret-situo di ULI

Saturdio 2012-02-18: Omna edituri dil mikra letro por la Idisti en Azia "ALI" da nia samideano V.R.Srinivasan nun anke esas lektebla ye la ret-situo di ULI. Indexo di omna numeri di "ALI" trovesas hike.

Nova Direktanta Komitato di ULI elektesis e finis l'interna elekto

Sundio 2012-01-22: Pos fino dil novelekti di Direktanta Komitato di ULI la interna votado en la Direktanta Komitato finis. La votado aranjesis di la nun "olima" sekretario Loïc Landais. La nomi dil membri ed ofici trovesas hike.

Idala kapsulo #1

Sundio 2012-02-08: Nia samideano Jose Cossio Publikis nova podkasto "Idala kapsulo". Numero #1 esas audebla hike. Segun Jose: "Idala Kapsulo, olqua specaligesos pri kurta naraco pri cienco, konocado, kulturo, kuriozaji od interesanta novaji, aparte la konocita e plur-tema Idala Podkasto." #1 koncernesas pri "PRAKTIKAR YOGO REDUKTAS LA DORSO-DOLORO". Bona suceso Jose! Fino dil yaro anke aparis podkasto #44!!!.

Gazuyi #5

Venerdio 2012-01-20: Nia samideano L. Moucina kun plezuro informis, ke la numero 5 di Gazuyi, jurnalo en linguo Ido es deskargebla hike

Invito ad Internaciona Idokonfero en Dessau 2012 (23.-29.7.2012)

Lundio 2012-01-09: De la 23-ma til la 29-ma dil julio 2012 eventos en Dessau, Germania, cent kilometri sude de Berlin, la Internaciona Idokonfero 2012. Dum la antea semanofino 21-ma til la 23-ma dil julio 2012 eventos prerenkontro en Berlin, chefa urbo di Germania, e Potsdam, chefa urbo di Brandenburgia. Ica prerenkontro esos organizita da nia lokala grupo - la Ido-Amiki-Berlin.
Lektez plusa informi hike ...

Omna aktivesi dil Idistaro e di ULI en la yaro 2011

Aktivesi dil Idistaro e di ULI en la yaro 2010

Aktivesi dil Idistaro e di ULI en la yaro 2009

Aktivesi dil Idistaro e di ULI en la yaro 2008