ULI-Frontispico

Esez bonvenanta! Che oficala situo dil Uniono por la Linguo Internaciona Ido (ULI).
Ido esis developata da la Delegaciono por l'Adopto di Internaciona Helpolinguo, qua kunvenis en Paris, 1907 (College de France).
Quale e pro quo membresar a la Uniono por la Linguo Internaciona (Ido)?

Listo di problemi urjante diskutenda e solvenda pri la linguo e l’Idistaro Lektez pluse ...
----

Aktivesi dil Idistaro e di ULI en la yaro 2010

@ da A.Praefcke GPL

Invito a la internaciona Ido-renkontro 2010 dum la tempo inter la 19ma til la 24ma di agosto 2010 en Tübingen (Germania)

Saturdio 2009-11-28: La direktantaro dil Germana Ido-Societo kordiale invitas omna Idisti ad internaciona Ido-renkontro dum la tempo inter la 19ma til la 24ma di agosto 2010 en la Badenia-Wurtemberga universitato-urbo Tübingen proxime a Stuttgart. Lektez pluse....

Nova versiono da Pmwiki-programo ye www.ido.li

Mardio 2010-03-10: Me instalis nova versiono di Pmwiki-programo (2.2.14). La ULI-situo nun esas plu UTF-8 literi kapable. Ico esas grava por la listo di nova vorti. Kande vu vidas irga problemi, sendez E-mesajo al dgroth-ye-idolinguo-punto-de.

Statistiko pri la nombro de vizitanti ye www.ido.li

Sundio 2010-01-28: Dum la lasta yaro la nombro de vizitanti de nia retspicii di www.ido.li plumultigis de cirkume 25 per dio ye cirkume 40 per dio. Vizitez ica statistiko hike http://www.ido.li/wiki-images/uli-stats.jpg

Ido-Amiki Berlin enretigis Ido-Saluto! 2006-02

Sundio 2010-01-28: La Ido-Amiki publikigis PDF-versiono di jurnalo "Ido-Saluto!". Artikli pri Togo, , monumnento por l'asasinta Judi di Europa, La lago Baikal e la Sorbiani en Germania. Atencez: Yaral abono por recevar la aktuala jurnali de "Ido Saluto" nur kustas 5 EURI o 15 EURI kun DIG membreso. Videz la anciena kayero hike ....

Listo "Nova Vorti di Ido" (2002) nun kun Rusa traduko

Mardio 2010-02-23: La nova vorti di Ido (2002) hike ye la ULI-situo esas nun anke kun Rusa vorti. Videz la listo en la formato wiki-html, html od en la formato pdf. Pose ni unionos ica listo kun la nova vorti 1988.

@ da Jose

Jerry Muelver e Partaka finis la laboro ye la Pesch-radikaro (1964)

Lundio 2009-02-22: Lasta semano nia samideani Jerry Muelver e Partaka finis la versiono 1.0 di la Radikaro da Marcel Pesch (1964). Ni tre joyas pri ica novajo ed applaudas nia diligenta laboristi. Reviso 1.0 nun esas hike. La taske esas nun adjuntar la nova vorti de 1988 e 2002.

Listo de Ido-Blogi*

Sundio 2010-02-14: Ye la ULI-retsituo nun esas listo de Ido-Blogi* kun RSS-feedo*. Nuntempe esas la Blogi da Bebson, Jean, Jose, Thomas ed Tiberio. Se tu savas de altra blogi skribez a dgroth-ye-idolinguo.de. Esus bone se la Blogo* havas anke RSS-feedo, quale la kin Blogi* supre. Videz la listo de Ido-Blogi* hike ...

Idala Podkasto #30 che Ido Sonora! e Parolez Ido

Sundio 2010-01-31: Nia samideano Jose Cossio publikigis podkasto 30. Jose en la idolisto: Yen mea maxim recenta Idala Podkasto, la numero triadek, che e Parolez Ido: Ido Sonora! e Parolez Ido. Durado: 11m24s, Temi: Ciencisti sucesas mixar aquo ed oleo; Twitter trompas l'alkoholometro; Polico di Ohio uzos elektronikala tradukili por parolar la Hispaniana. Juez ol, amiki, e ne obliviez komentar pri ol. Via komenturi es valoroza. Idosonore - Jose Cossio

www.ido.li nun kun RSS-Feed

Sundio 2010-01-31: Nia ULI-situo havas nun "RSS-feed". Videz la simbolo ye la URL-adreso. Ico formato permesas automatikala notifiko pri novaji ye la ULI-situo. Por plusa informi lektar la Wikipedia RSS-artiklo.

Listo "Nova Vorti di Ido" (2002)

Jovdio 2010-01-28: La nova vorti di Ido (2002) esas nun hike ye la ULI-situo. Ni pregas nia Rusa samideani kunlaborez por plenigar la Rusa vorti. Ni facis unuesma versiono kun la "Google-Translate-API". Ke tu volas helpar skribar ye la dgroth-ye-idolinguo.de pro obtenar la sekreta vorti por la Wiki-listo. Videz la listo hike ....

Ido-Amiki Berlin enretigis Ido-Saluto! 2006-01

Mardio 2010-01-26: La Ido-Amiki publikigis PDF-versiono di jurnalo "Ido-Saluto!". Atencez: Yaral abono por recevar la aktuala jurnali de "Ido Saluto" nur kustas 5 EURI o 15 EURI kun DIG membreso. Videz la anciena kayero hike ....

Statistiko di la Ido-spici ye la matro-linguala wikipedii

Jovdio 2010-01-21: La Ido-spici ye la matro-linguala wikipedii esas la maxim multe vizitata spici pri Ido en la interreto. Omnadie plu ol 300 vizitanti informas pri Ido ye la angla spico http://en.wikipedia.org/wiki/Ido . Ma anke la Polona spico esis vizitata de 50 personi omnadie en decembro 2009. Lektez la statistiko hike ....

@ PD

142ma Nasko-Dio di Louis Couturat

Sundio 2010-01-17: Okazione de la Nasko-Dio di Louis de Couturat nia samideano Gael Richard skribis artiklo en la idolisto. La anciena texto da Louis de Beaufront pri Couturat esas hike.

Ido-Saluto 2010-01 aparis

Jovdio 2010-01-14: La Ido-Amiki Berlin publikigis la unuesma numero di Ido-Saluto! por 2010. Kontenajo: Artikli pri la Expolingua 2009, la boreliozo, la hidrogen-futuro di Islando, L'enigmato di la heredigo - August Weismann, Expozo en Paris pri Gustave Eiffel ed la dikturo de Versailles. Pri lakompleta kontenajo ed la abono di Ido-Saluto! lektez hike ....

Linguala Komitato di ULI fondesis

Mardio 2010-01-12: La ULI-sekretario Loic Landais informas la DK di ULI pri la fondeso dil Linguala Komitato kun komence non membri reprezentante kin GAFIRH-lingui Lektez pluse ...

Jerzy Gralak †

Sundio 2010-01-10: La Interlinguisto ed Idisto Jerzy Gralak (*1935) transmondeskis. Jerzy esis la autoro da la dicionario Ido-Polona. Ilua filiulo Piotr: "Me devas komunikar a vu, ke mea patro Jerzy Gralak mortis ye 8esma januaro di ca yaro. Lu pregis me transsendar la sequanta mesajo pos lua morto. Respektoza ed omno bona, Piotr Gralak"
Lektez pluse ...

Nord-Amerikana Ido-Societo esas oficala Usana korporaciono

Venerdio 2010-01-08: Bona novajo de Nord-Amerika - nia samideano Jerry Muelver skribis en la idolisto: "La Nord-Amerikana Ido-Societo (NAIS) esas nun oficala Usana korporaciono - North American Ido Society, Inc. NAIS nun povas aceptar pekunio membrala e donacala per PayPal, che http://idomondo.org. Me dankas la Idala komuneso pri vua helpo e suportado dum la rinasko di nia Ido-Societo.". Ni gratulas.

Statistiko pri la Ido-Yahoo-dissendolisti

Jovdio 2010-01-07: Ye la ULI-situo esas statistiko pri la membro-nombri di la Ido-Yahoo-dissendolisi. La maxim granda listo esis (kompreneble) en 2009 la idolisto kun 243 membri (decembro 2009). On povas vidar la statistiko hike.

Aktivesi dil Idistaro e di ULI en la yaro 2009

Aktivesi dil Idistaro e di ULI en la yaro 2008